Getaria herri txiki arrantzale eta laborari bat izatetik, herri arrantzale,txakolingile eta turistikoa izatera pasatu da azken hamarkadan batez ere. Eboluzio honen ispilu izan da Getariako komertzioa ere. Oinarri-oinarrizko komertzioa izatetik esparru zabalagoa hartzen duen zerbitzu sektore indartsu bat izatera pasatu da. Batzuk urte luzez ari dira lanean eta beste batzuk berriz turismoari egokitutako negozio berriak dira, baina denek dute amankomunean Getariako herritarrei atentzio ezin hobea emateko nahia eta ilusioa.